Salomé Pavón et Jerónimo Maya

Arturo Pavón piano-jotzaile eta konpositore handiaren eta Luisa Ortegaren alaba, Manolo Caracolen biloba eta kantuaren historiako jeinu handienetako biren -Tomás Pavónen eta Pastora Pavón La Niña de los Peinesen- iloba. Bere sustrai genealogikoak Planeta edo Curro Dulce bezalako pertsonaia mitikoetaraino iristen dira. Flamenkorik tradizionalenaren ordezkaria, Salomé Pavónek bere familiaren airean kantatzen du, estiloari begira Pavon familiaren moldera eginez; dena den, dela fandangoetan, dela tientoetan, Caracolen doinuak ateratzen dira. Iruñeko zaleen aspaldiko ezaguna, Jeronimo Mayaren gitarrak lagundurik eskainiko du bere kantua La Perla Hoteleko balkoitik. Jeronimo haur prodijioa zen bost urterekin. Nortasun handia dario jotzeko moldeari; horregatik, kontzertugilea izateaz gain, kantuan lagundu ditu flamenko garaikideko figura gehienak.